Залина живет во Владикавказе. Очень многое успела сделать в своей жизни эта романтичная девушка: окончила факультет осетинской филологии СОГУ, работала воспитателем в бесланской щколе №8, затем корреспондентом газеты «Жизнь Правобережья», а с 2011 г. трудится в Юношеской библиотеке им. Газданова. В 2010 г. в издательстве «Ир» вышла ее первая книжечка стихов на осетинском языке «Дыууæ зæрдæйы» («Два сердца»), а в ближайшее время появится второй поэтический сборник, который она назвала «Урс фынтæ» («Белые сны»). В 2011 г. Залина стала победителем Республиканского конкурса среди молодых композиторов и литераторов в номинации «Лучшее литературное произведение для детей на осетинском языке». В 2012 - заняла второе место в Республиканском конкурсе молодых литераторов им. М. Камбердиева, а в 2013 г. – победила в этом конкурсе и стала лауреатом Государственной премии им. М. Камбердиева! Залина пишет о любви, о красоте окружающего мира, завораживая читателя необычайными образами и ассоциациями. Убедитесь в этом сами!
АМОНДЫ ДЗӔНГӔРӔГ
Иу хатт ирд сӕрдыгон бон
Бӕласты бын бадтӕн.
Арвыл диссӕгтӕ уыдтон,
Ӕврӕгътимӕ тахтӕн.
Кодтон хуримӕ хӕснаг,
Хӕхтимӕ – уынаффӕ.
Донӕн амыдтон фӕндаг,
Уайгӕ, зӕгъын, кафгӕ!
Зокъо аргъӕуттӕ дзырдта
Хорздзинад фӕдзӕхстӕ,
Дымгӕ цӕссыгтӕ сӕрфта
Донбылты ӕмбӕхсгӕ.
Бӕлон мӕ йӕ лӕппынӕн
Скодта номӕвӕрӕг.
Загътон: «Ацы цъиу уыдзӕн
Амонды дзӕнгӕрӕг!»
ЗОКЪО
Ӕз райгуырдтӕн фӕззыгон бон, фӕскъӕвда,
Уымӕл зӕхх уыд мӕ ныййарӕг мӕнӕн.
Хӕххон дымгӕ мын зарджытӕ ыскъӕфта
Бӕрз бӕласӕн йӕ сыфтӕртӕй. Уыдтӕн
Ӕз буцахуыр. Мӕ номӕвӕрӕг - туасон
Цъыр-цъыр кӕнгӕ мӕм уазӕгуаты цыд.
Сӕууон ӕртӕхтӕ бацымдтам-иу басӕн,
Нӕ адджын фынг уыд дидинтӕн сӕ мыд.
Хӕрзконд сыхаг мӕ, къаппа-къуппа, уарзта –
Йӕ пакъуытӕй-иу `рбарвыста лӕвар…
Зӕрин хур-иу фӕлмӕн зӕлтӕй ныффаста
Мӕ морӕ сӕр. Нӕ уыди мын ӕлдар.
Фӕлӕ фӕзынд сӕумӕрайсом мӕ дуамӕ
Йӕ чыргъӕдимӕ иу цыдӕр мӕнгард.
Фӕлӕбурдта мын цынгӕнгӕ мӕ буармӕ,
Ӕдуидӕгтӕй мын сыскъуыдта мӕ цард…
ИРОН ӔВЗАГ
Мӕ уды рухс – мӕ мадӕлон ӕвзаг,
Ды намыс дӕ, ды царды дӕ мӕ кӕрдзын.
Ды дӕ мӕнӕн мӕ ном ӕмӕ мӕ уаг,
Мӕ зӕрдӕйӕн йӕ цин ӕмӕ йӕ хъӕрзын.
Куы зӕгъон: «Уарзын мадӕлон ӕвзаг,
Кӕнын ын аргъ, фӕлӕ йӕ хорз нӕ зонын», -
Кӕй сау ӕлгъыст фӕуыдзӕни мӕ фаг,
Кӕд ӕз мӕхи ӕцӕг ирон фӕхонын?!
Кӕд уарзыс ды дӕ мадӕлон ӕвзаг,
Уӕд хъуамӕ туг дӕ тугдадзинты `хсида,
Цӕмӕй ӕргом дыл ма фӕхуда знаг,
Зӕгъгӕ, дӕхӕдӕг дӕр нӕ зоныс, чи дӕ.
Фыдӕлтӕ бын – нӕ мадӕлон ӕвзаг,
Ӕмӕ куы `рлӕууай искуы ды сӕ цуры,
Кӕндысты уӕд мӕрдты бӕсты хӕснаг:
«Уый махӕй нӕу, уый не `взагыл нӕ дзуры».
Уӕдӕ йӕ уарз дӕ мадӕлон ӕвзаг,
Нӕ намыс у, нӕ адӕмӕн сӕ фидӕн,
Цӕмӕй дӕ кӕстӕр ма фӕрса мыййаг:
«Зӕгъ-ма мын, зӕгъ, ирон дӕн, ӕви чи дӕн?»
